மிரட்டல் உலக சாதனை படைச்ச இந்திய அணி சைலண்ட்டா சரண்டரான தென் ஆப்ரிக்கா

இந்தியா வந்துள்ள தென் ஆப்ரிக்க அணி 3 டெஸ்ட் போட்டிகள் கொண்ட தொடரில் பங்கேற்கிறது. முதல் டெஸ்டில் வென்ற இந்திய அணி 1-0 என இத்தொடரில் முன்னிலையில் இருந்தது. இரு அணிகள் மோதிய இரண்டாவது டெஸ்ட் போட்டி புனேவில் நடந்தது.
கோலி மாஸ்….இதன் முதல் இன்னிங்சில் இந்திய அணி 5 விக்கெட்டுக்கு 601 ரன்கள் எடுத்து டிக்ளேர் செய்தது. தென் ஆப்ரிக்க அணி முதல் இன்னிங்சில் 275 ரன்கள் எடுத்தது. இன்றைய நான்காவது நாள் ஆட்டத்தில், ‘ஃபாலோ ஆன்’ பெற்ற தென் ஆப்ரிக்க அணி இரண்டாவது இன்னிங்சை தொடர்ந்தது.

326 ரன்கள் என்ற இமாலய பின்னடைவுடன் இரண்டாவது இன்னிங்சை தொடர்ந்த் தென் ஆப்ரிக்க அணிக்கு மார்க்ராம் (0) இஷாந்த் வேகத்தில் வெளியேறினார். எல்கர் (48) அரைசதம் அடிக்கும் வாய்ப்பை கோட்டைவிட்டார்.
பவூமா ஆறுதல்…

தொடர்ந்து வந்த ப்ருவன் (8), ஃபாஃப் டூ ப்ளஸி (5) சொதப்பலாக வெளியேறினார். டெம்பா பவூமா (38) ஓரளவு கைகொடுத்தார். குயிண்டன் டி காக் (5),செனுரான் முத்துசாமி (9), வந்த வேகத்ஹ்டில் பெவிலியன் திரும்பினர்

ஆட்டம் காட்டிய ஃபிலான்டர்

அடுத்து வந்த ஃபிலான்டர் (37), மஹராஜ் (22) வழக்கம் போல ஆட்டம் காட்டினர். தொடர்ந்து வந்த ரபடா (4) உமேஷ் வேகத்தில் வெளியேற, தென் ஆப்ரிக்க அணி இரண்டாவது இன்னிங்சில் 189 ரன்களுக்கு ஆல் அவுட்டானது.

இமாலய வெற்றி…

இதன் மூலம் இந்திய அணி, இரண்டாவது டெஸ்டில், ஒரு இன்னிங்ஸ் மற்றும் 137 ரன்கள் வித்தியாசத்தில் இமாலய வெற்றி பெற்றது. தவிர, 3 போட்டிகள் கொண்ட தொடரையும் இந்திய அணி 2-0 என கைப்பற்றி அசத்தியது.
உலக சாதனை…

இந்த தொடரைக்கைப்பற்றியதன் மூலம் இந்திய அணி புது உலக சாதனை படைத்தது. சொந்த மண்ணில் சொடர்ச்சியாக அதிக டெஸ்ட் தொடரை வென்ற அணிகள் பட்டியலில் ஆஸ்திரேலியாவின் (10 டெஸ்ட் தொடர் 1994/59 – 2000/01) உலக சாதனையை இந்திய அணி ஓரங்கட்டியது.

* கடந்த 2012/13 முதல் தற்போது வரை இந்திய அணி இதுவரை இந்திய மண்ணில் நடந்த டெஸ்ட் தொடர்களில் 11 டெஸ்ட் தொடரை கைப்பற்றி புது உலக சாதனை படைத்தது.மிரட்டல் உலக சாதனை படைச்ச இந்திய அணி… சைலண்ட்டா சரண்டரான தென் ஆப்ரிக்கா!